美食攻略
前排睇雜誌介紹，九龍城開左間街頭小食既舖頭，經過又見到有人排隊，又見到魚蛋燒賣個名咁趣緻，咪即管試下啦！
叫左份鬼秘魚蛋同一份神秘燒賣(老老實實，我真係睇唔出有幾鬼秘同神秘！不過咁講咁聽啦！)！因為環保，我將兩款放埋一齊，反正個汁料都係一樣。先唔好講個汁，燒賣只係普通燒賣，而魚蛋同彈牙呢兩個字真係無親戚關係！不過個汁係特別咖！我揀左唔辣，個汁雖然好似沙嗲，不過同沙嗲亦唔係同一個祖先！個味甜甜地，香料味好重，而當然味精都好濃郁啦！不過無可否認個汁真係好惹味好特別既！都值得試下既，不過記住自備食料！
鬼秘魚蛋HKD$8/10粒，而神秘燒賣就HKD$8/6粒！佢其實仲有好多小食，有機會先再試下！
街頭霸王小食
九龍城賈炳達道113號地舖
Search